ஆழ்மன அலைகள்

யத்தனிக்கும் எதிர்காலம்

2011-06-08T05:13:00.000-07:00

வாழ்வதாய் என்னி
வருங்காலத்தின் வரவைநோக்கியே
இறந்து கொண்டிருக்கிறது
நிகழ்காலம்.

இருந்தும்...

நிகழ்காலம் நிரந்தரமென்று
மணற்கோட்டை கட்டியதாம்
மரணத்தில் சம்பவிக்கும்
எதிர்காலம்.

ஆனால்...

காலத்தின் காலனாய்
நிகழ்காலத்தின் நிஜங்கலைப்போல்
நிகழ்ந்து கொண்டேயிருக்கிறது
இறந்தகாலம்.

உணர்ந்தும்...

ஒரு சாதனை முயற்சியாய்
இறந்தகாலத்தின் எலும்பாகவாவது மிஞ்சிவிட
யத்தனித்துக் கொண்டுதானிருக்கிறது
எதிர்காலம்.

இதுதான் காதலா?

2010-07-01T23:20:00.000-07:00

சுற்றித் திரிந்த

நினைவுகள் பூக்கும்

பூங்கா வெளியில்

காதலி பிரிந்தும்

காதலைப் பிரியா

ஒற்றைக் காதலனாய்...

அவளிள் வாழ்ந்த

உள்மனக் காதலன்

உடலைப் பிரிந்து

புல்வெளித் தரையின்

பனித்துளி போல

படர்ந்து விரிகிறான்

துரும்பாக மிதந்தும்

நினைவெல்லாம் உருக

நீராகும் அவளிள்

நீந்திச் செல்வதுமாய்

மூழ்கிபோகிறான்!

வானத்து தேவதையவளை

மேகங்கள் மறைப்பதுகண்டு

கோபம் கொள்வதும்

மேகங்கள் காட்டும் இவனின்

கோனங்கி வடிவம்பார்த்து

வெட்க மடைவதுமாய்

நகர்ந்தன நாழிகைகள்!!

ஆளில்லா இரவு

ஆண்மகனின் வெட்கம்

நட்சத்திரங்களும் நகைக்க

போராடும் மனதை

பிடித்து இழுத்துச்செல்கிறேன்

விடியலை நோக்கி

பிரிவுத் துயரம்?

2010-06-25T23:35:00.000-07:00

கிளையைப் பிரிந்த

இலைகள்

உதிர்ந்த சருகாய்

உலர்ந்தும்

நினைவுத் தென்றல்

வருடிச்செல்ல

வாழ்ந்ததை என்னி

சலசலக்கிறதோ!

Thulasi

25 June 2010

நீ மறுத்தால் யார் முடிப்பார்?

2010-06-07T03:06:00.000-07:00

உன்னை வெல்ல ஒரு கூட்டம்
ஓயாதிருக்கும் உலகினிலே
ஓய்ந்து விடாதே சோர்ந்து விடாதே
உழைக்க மறந்து உறங்கிவிடாதே

கோடி மனிதரின் போட்டிக் கிடையில்
வெல்லத் தகுந்த ஒருவன் நீயே
உந்தன் வெற்றி களவு போவதை
பார்த்து இரசிக்கப் பழகிவிடாதே

கண்ணை மறைக்கும் பணி போல
பகைவர் கூட்டம் உனை சூழும்
பயந்து விடாதே பணிந்து விடாதே
பகலவன் நீயே மறந்துவிடாதே

இலட்சியப் பாதையில் தடைகள் ஆயிரம்
தாமதம் கண்டு தளர்ந்து விடாதே
முன்நாள் முயற்சியின் முடிவைக் கண்டு
தோற்றோமென்று துவன்டு விடாதே

'தோல்வி' யென்பது எதுவும் இல்லை
மீண்டும் முயலும் தருணம் ஒன்றே
முடிவென உலகில் ஏதும் உண்டோ
முதலும் முடிவும் மனதை பொறுத்தே!

வசந்தகாலக் கவிதை

2010-05-31T00:10:00.000-07:00

1. நிமிட சுகம்

தொலைந்த மனம்

வருடம்பல ஆனபின்னும்

தேடுகிறேன்!

தொலைந்துவிட்ட மனதையல்ல

தொலைத்துப் போகும் நிமிடங்களை . . .

2. செடியைப் பிரிந்த

மொட்டும் ஒருநாள்

மலர்கிறது மனக்கிறது

மலரின் மனதை யாரரிவார்

3. எங்கோ செல்வோம்

எதையோ செய்வோம்

நமக்கும் தெரியாமல்

நமக்கான சில ரசிகர்!

உனக்கான என்னைப்போல்

சிலைகளும் கடவுளும்

2010-02-27T02:23:00.000-08:00

கல்லும் சிலையும் கடவுளை விஞ்சிய
கலியுகமென்று சிலைகள் நினைக்க . . .

கடவுள்:
கல்லாய்க் கிடந்து கலையாய் மாறிய
கர்வம் மனதில் நிறைந்து போனதோ
சிற்பியை வடித்த சிற்பி நானே
எங்கும் நிறைந்த இறைவன் ஆவேன்

சிலைகள்:
எங்கும் நிறைந்து என்ன புண்ணியம்
எத்தனை மனிதர் கடவுளை கண்டார்
ஓரிடம் அமர்ந்த எங்களைக் காண
கோடி மனிதரின் கூட்டம் பாரீர்...

கடவுள்:
கடவுளென்று எதையும் நம்பி
கல்லைக் கானும் மூடமனிதர்
கவலை தீரப் போவதில்லை
சிலையைக் கண்ட மாத்திரத்தில்
கடவுள் மட்டும் மறுத்துவிட்டால்

சிலைகள்:
கவலையை தீர்ப்பது கடவுளா???

ஓவியத்தில் உறைகின்ற உயிருணர்வு
ஒருங்கேநம் கருத்தினை கவர்வதுபோல்
சிலையுருவில் உறைகின்ற கலைவடிவம் (கடவுளல்ல)
காண்போரின் மனச்சுமையை கலைகிறது
கோயில்களின் கருவறையில் கடவுள்களாய்

கடவுள்:
????? !!!!! ?????

மரண சாசனம்

2010-02-12T23:34:00.000-08:00

தாய்மடி நினைவும்
மாலைப் பொழுதும்
இன்னும் மனதில் மறையலையே

நிலவொளி இரவில்
தெருவினில் தூங்கிய
நினைவுகள் என்னில் நீங்கலையே

கண்களிள் உதித்த
காலைச் சூரியன்
மனதினில் தினம்-தினம் உதிக்கிறதே

நித்திரை கலைக்கும்
அன்னை முத்தம்
மரணம் ஏற்க மறுக்கிறதே

என்பது வருட
காலச் சுவடுகள்
காற்றில் கரைந்து போனபின்னும்

தந்தை அருகில்
மழலை வயதின்
கால்தடம் இன்னும் தொடர்கிறதே

மனமே மனமே
மனமே மனமே
யாரிடம் என்ன கேட்பேனோ

வாழ்வின் விளிம்பில்
வாழ்ந்ததை நினைத்து
உள்ளம் ஏங்கித் தவிக்கிறதே

வசந்தம் நிறைந்த
வாழ்கை பயணம்
மறுமுறை ஒருமுறை துவங்கிடுமோ . . .

கலியுகக் காதல்

2010-02-10T04:22:00.000-08:00

காதலர் என்றால்
கணவன்-மனைவியோ
காதல் போர்வையில்
காமவேட்டையோ?

கட்டி பிடிப்பதும்
முத்தம் கொடுப்பதும்
காமம் அல்ல
காதலென்பதா?

கண்கள் கானா
காவியக்காதல்
கர்பம் கானும்
கலியுகக்காதல் . . .

உதடுகள் உரசி
உடலைத்தொடுகிற
வக்கிரம் மட்டும்
காமமல்ல

கண் பார்வையினாலே
தொடுவதும்கூட
காதல் அல்ல
காமமன்றோ

மனிதனின் மதியோ
மங்கிபோனதால்
மனதின் காதல்
மாண்டுபோதோ

கலியுகம் கானும்
காதலென்பது
நீரென ஓடும்
நெருப்புக்குழம்பே . . .

மனித தேசத்துக் கைதிகள்

2010-01-20T04:29:00.000-08:00

காடழிந்து நாடாய்ப்போன கலியுகத்தில்
பறவையும் மிருகமும் எங்கேயென்று
பணம் கொடுத்து பார்க்கச்சென்றேன் . . .

வண்ண வண்ண பறவையினங்கள்
வாழும் மரங்கள் வலைக்குள்ளே
வானுயற பறக்கத் தடையாய்!

கட்டுக் கடங்கா காட்டினங்கள்
மனிதன் கண்டு மகிழ்ந்தாட
கம்பி வேலியில் பத்திரமாய்!

விஷம் கக்கும் நாகஜீவன்
பெட்டிப் பாம்பாய் அடங்கிப்போக
கண்ணாடிக்குள் காட்சிப் பொருளாய்!

பாம்பின் உணவாய் வீசப்பட்டு
விதியா சதியா எனக்கதறும்
எலியின் மரணம் ஏலனமாய்!

இத்தனை இத்தனை கொடுமையையென்னி
யாரிடம் சென்று முறையிடவென்று
இறைவனைத்தேடி திருத்தலம் சென்றேன்

கருவறையென்ற கோவில் சிறைகளிள்
கல்லாய்ப்போன கடவுடளர் கூட
மனித தேசத்துக் கைதிகளாய்!!!

மீண்டும் சந்திப்போம் . . .

2009-11-24T04:10:00.000-08:00

டிசம்பர் மாத விடுமுறை என்றவுடன், என்னை கேட்காமலே என்னை விட்டுவிட்டு மனம் மட்டும் ஊரை நோக்கி பயணப்பட்டுவிட்டது. மனம் முழுவதும் கிராமத்தின் வாசம். எனக்குத்தான் அதிர்ஷ்டம் இல்லை. அடுத்த மூன்று நாட்கள் இங்குதான் தங்க வேண்டும். இருந்தாலும், மனதளவில் கிராம வாழ்கைதான் (சரி... சரி... ஆறு மாசம் கழிச்சு சொந்த ஊர் திரும்புற ஒரு கிராமத்து பையனுக்கு இருக்க வேண்டிய ஃபீலிங்ஸ்தான். மேல சொல்லு). இங்கு என்னதான் கோட்-சூட் போட்ட இளைஞனாக வலம் வந்தாலும், கிராமத்தில் கோவணம் கட்டிய உழவனாக மாறுவதில் எனக்கிருக்கும் ஆனந்தம் இன்னும் குறையவேயில்லை என்றுதான் சொல்ல வேண்டும் (நிறுத்து... நிறுத்து... ஓவர் பில்டப்பு ஒடம்புக்கு ஒத்துக்காது பாத்துப் பேசு ராசா).

சரி விஷயத்துக்கு வருவோம், என்னால சேரன் ரேஞ்சுக்கு "ஞாபகம் வருதே ஞாபகம் வருதே” - ன்னு பாட்டெல்லாம் எழுத முடியாது, இருந்தாலும் எங்க கிராமத்த பத்தி கொஞ்ச – நஞ்சம் தெரிஞ்சத சொல்லலாமேன்னுதான் இந்தப் பதிவு (ஐயோ கொல்றானே..... அப்புடி அந்த கிராமத்துல என்னதான் இருக்கு சொல்லித் தொலையேன்). கோவப்படாதீங்க, இதோ எங்கள் கிராமத்தின் டாப்-10 விஷயங்கள்:

நாட்டு நடப்பு என்ற பெயரில் கிராமத்தின் ஒவ்வொரு வீட்டின் புருஷன் பொஞ்சாதி சண்டையில் துவங்கி சர்வதேச கோப்பன்ஹேகன் மீட் வரை எல்லாமும் தெரிந்தார்போல் எப்போதும் பிதற்றுகின்ற ஊர் பெருசுகள் அமரும் அரச மரத்தடி சிமென்ட் மேடை.
அதிகாலைப் பொழுதில் (காலை மூன்று முதல் ஐந்து மணி வரை) கிராம வாசிகளின் சுறுசுறுப்பான முனுமுனுப்புகள், கரவைப் பசுக்களின் கால் நடை சப்தம், கூண்டிலிருந்து விடுவிக்கப்பட்ட கோழிகளின் கூக்குரல், அதிகாலையிலேயே இறையைத் தேடி பயணம் கொள்ளும் ஆடுகளின் குலம்படிச் சப்தம், இடையிடையே நடராஜர்பத்து படிக்கொண்டு சங்கம் ஊதும் ஏதோ ஒரு கிராம வாசி, இவையாவும் நம் உறக்கத்தை விரட்டும் அலாரமாக அமையும் என்பதில் வியப்பொன்றுமில்லை.

உறங்கும் கண்களை கசக்கிக் கொண்டே வெளியே வந்தால் (நாம எழுந்திருப்பது ஐந்து மணிக்கு மேலதாங்க) வீடுகள் தோறும் மாக்கோலம் பூசணிப் பூ அலங்காரம் என்று தினம் தினம் மார்கழியைக் கொண்டாடும் எங்கள் ஊர் தெருவீதிகள் நம்மை உற்சாகமாய் வரவேற்கும்.

காலையோ மாலையோ 3 மணி என்றவுடன் தன் வேலைகளைத் துவங்கிவிட்டு 8 மணி ஆகும் வரை ஓயாமல் உழைக்கின்ற 'டீக்கடை பாய்' (இது ஆங்கிலத்தில் சொல்லும் 'Tea Boy’ இல்லீங்க, மதிப்பு மிகுதியால் வயதில் மூத்த ஒரு முஸ்லிம் சகோதரரை அழைக்கப் பயன்படுத்தப்படும் ஒரு வார்த்தை).
அவருடன் சேர்ந்து ஒய்வே இல்லாமல் உழைத்து உழைத்து எல்லோரையும் தாங்கித் தாங்கி வழவழப்பாகிப்போன 'டீக்கடை பெஞ்சுகள்' (தமிழகத்தின் அரசியல், சமூகம், மற்றும் பொருளாதார வரலாற்றில் டீக்கடை பெஞ்சுகளுக்கு ஒரு தனி இடம் உண்டு என்பதை யாராலும் மறுக்க முடியாது).
காலையில் எழுந்ததில் துவங்கி இரவு தூங்கும் வரை கூடவே சுற்றித் திரியும் பத்து பதினஞ்சு பாசக்காரப் புள்ளைங்க (அதாங்க ஃபிரண்ட்ஸ்ஸ்ஸ்ஸ்ஸ்).
வேப்பங்குச்சி, வேலங்குச்சி, நாயுருவினு நிண்டுகிட்டே போகும் பல்தூரிகைப் பட்டியல்.
நிலத்திலும் நீரிலும் வாழும் ஒரே ஜீவன் தவளை என்பதை பொய்யாக்கும் விதமாக பல மணி நேரம் நீளும் கிணற்றுக் குளியல் (ஆட்டம் பாட்டம் கொண்டாட்டம் என நீளும் இந்தக் குளியல் நண்பர்களுடனான ஒரு கூட்டுக் குளியலும் கூட).
காலை Tiffin, மத்தியம் Lunch Box Food, இரவு Dinner என்ற அளவுச் சாப்பாட்டையெல்லாம் ஓரங்கட்டி மூனு வேலையும் தலைவாழையிலையில் (சில சமயம் கூழோ கஞ்சோ கூட கிடைக்கலாம், ஆனால் மூச்சுத் திணறத் திணற) ஃபுல் மீல்ஸ்.
கணிணிகள் இல்லை, புகையைக் கக்கும் கார்கள் இல்லை, நொடிகளைத் துரத்தும் கவலையுமில்லை ("நாமே ராஜா நாமே மந்திரி" என்ற வாழ்கை).

இத்தனை சிறப்புக்கும் உரிய எங்க ஊரு ஒரு சின்ன கிராமந்தாங்க, ஏறக்குறைய 300-400 குடும்பங்கள் இருக்கும்-னு நெனைக்கிறேன். ஆனாலும் எங்க ஊர் எனக்கு ரொம்ப பிடிக்கும். (ஒரு குக்கிராமத்துல இருந்து வந்துட்டு என்னமா பில்டப் குடுக்கறான் பாரு..... டேய் போதும்டா) என்ன பன்றது,

சொர்கமே என்றாலும்

அது நம் ஊரைப் போல வருமா?

இதுக்கு மேலயும் எங்க ஊர பத்தி ஸ்டாராங்கா பில்டப் குடுக்க விரும்பல.குடுக்கவும் முடியாது, குடுத்தா தாங்காது. Basically எங்க ஊரோட base மட்டம் கொஞ்சம் weak. Escape.....

மீண்டும் சந்திப்போம் ஜனவரி 2010ல்.

கடைசியா ஒன்னே ஒன்னு.....

(என்னட 30 – 45 நாளுக்கு முன்னாடியே சொல்ற?) புரியலையா.......... நாங்கல்லாம் ரொம்பவும் Advanced.

சிந்தனைகள் சில

2009-11-17T22:56:00.000-08:00

    கடவுள்?
            ஓவியத்தில் உறைகின்ற
            உயிருணர்வு
            ஒருங்கே நம் கருத்தினை
            கவர்வதுபோல்
            சிலையுருவில் உறைகின்ற
            கலைவடிவம்
            காண்போரின் மனச்சுமையை
            கலைகிறது
            கோயில்களின் கருவறையில்
            கடவுள்களாய் . . .

    மனிதன்:
            சென்று வரும் மூச்சொருநாள்
            சட்டென்று நின்று விடடால்
            மாண்டுவிட்டான் என்று சொல்லி
            மறைத்திடுவர் மன்னில் தள்ளி
            உடன் பிறந்த உடலழகும்
            உதவாத பொருட் டாகும்
            இதையறியா மனித இனம்
            அழிவதுஏன் தினம் தினம் . . .

    பாவங்கள்:
            "பாவத்தின் சம்பளம் மரணம்" (ரோமர் 6: 23)
            பைபிளின் சாரம் இதுவென்றால் . . .
            மறைந்த இயேசுவும் பாவிதானோ???

குழந்தையும் தெய்வமும்

2009-11-09T22:03:00.000-08:00

எந்தன் மனதிலே
வாழ்ந்த இறைவனே
உன்னை அறிந்ததும்
என்னை பிரிந்ததேன்?

குழந்தை வயதிலே
என்னில் உறைந்தவன்
மனித னானதும்
என்னை மறந்ததேன்?

குழந்தை தன்மைகள்
என்னை பிரிந்ததும்
கடவுள் கூடவா
என்னை பிரிவது?

அன்பு செய்ததில்
அடிமை ஆனவன்
பக்தி கொண்டதும்
பரமன் ஆவதோ?

அழுது புலம்பினேன்
கருணை இல்லையோ
கடவுள் என்றதும்
கர்வம் ஏனடா???

உறங்காதே மனமே

2009-11-03T20:44:00.000-08:00

1. எழுந்திரு மனிதா! எழுந்திரு மனிதா!!
எதை நீ இழந்துவிட்டாய்?
பணமும் பதவியும் உன்னை பிரிந்ததில்
நீயேன் வருந்துகிறாய்?

உழைத்துக் கிடைத்த அறிவும் திறமையும்
உன்னிடம் உள்ளவரை
மனிதன் என்ற வார்த்தை போதும்
மறுபடி உயர்ந்திடவே . . .

பேரும் புகழும் மங்கிப் போனால்
இருளிள் மூழ்குவதோ?
நட்சத்திரமாய் மின்னும் இதுவே
வாழ்கைச் சரித்திரத்தில்.

= = = = = = = = = =

2. எழுந்திரு! எழுந்திரு!! மனிதா எழுந்திரு!!!
எதை நீ இழுந்துவிட்டாய்?
எல்லாம் இருந்தும் எதையோ இழந்ததில்
நீயேன் சோர்ந்துவிட்டாய்?

உன்னில் கலந்த உணர்வுகள் எத்தனை
ஒருகணம் எண்ணிப்பார்
தளரா உள்மனம் விலகா உன்குனம்
உன்னில் வெளிப்படுமே . . .

தடைகள் ஆயிரம் தடுத்த போதும்
உழைக்கத் தடையேது?
எல்லாம் இங்கே முடிந்த பின்பும்
முயற்சிக்கு முடிவேது.

= = = = = = = = = =

3. மனிதா! மனிதா!! எழுந்திரு மனிதா!!!
எதை நீ இழந்துவிட்டாய்?
தடைகள் ஆயிரம் தாண்டிய பின்னே
அனுபவம் பெற்றுவிட்டாய்

இலக்கை வென்று சாதனை செய்தும்
உழைக்கும் உன்னிடமே
இலக்குகள் எல்லாம் படியாய் மாறி
காலில் மிதிபடுமே . . .

எல்லை என்று எதுவும் இல்லை
வாகைச் சூரியனே
தொடரும் இந்த வாழ்கைப் பயணம்
வானம் நோக்கியதே.

= = = = = = = = = =

4. மனிதா எழுந்திரு! மனிதா எழுந்திரு!!
எதை நீ இழந்துவிட்டாய்?
எல்லாம் இருந்தும் ஏனோ நீதான்
உழைக்க மறந்துவிட்டாய்

பினமெனும் பெயரை பெறுவதற்க் குள்ளே
ஓய்வு பெறுவதோ?
பினமாய் நீயும் மாறிய பின்னே
உழைக்க நினைப்பதோ . . .

இரண்டும் இங்கே அவசிய மில்லை
சாத்தியம் இருக்குதோ?
இருந்தும் ஏனோ மனிதா . . . மனிதா . . .
சோம்பித் திரிகின்றாய்.

மூரிதை*

2009-11-01T21:25:00.000-08:00

*மூரிதை - மூன்று வரிக் கவிதை

1. மரணம்

நல்ல உறக்கம்

நாளும் பயிற்ச்சி
நிலையாய் உறங்க . . .

2. அடக்கம்

அடக்கமாய் இரு

அறநெறி காக்க
அடங்கிப் போகாதே . . .

3. காதல்

கவிதைகள் பிறக்கும்

காதல் செய்தால்

கடமைகள் மறக்கும் . . .

4. முயற்சி

முடிவிலே உணர்ந்திட்டான்

முயற்சியே வெற்றியென்று

முயலுகிறான் முயற்சிக்க . . .

5. தோல்வி

உழைக்க மறந்ததை

உணர மறுப்பதே

உண்மை தோல்வியாம் . . .

6. புகழ்

புகழொரு போதை

புரியா மனமே

பெருமை கொள்ளாதே . . .

7. பரிசு

வாழ்கை போட்டியில்

வெற்றியின் பரிசு

வாழ்வின் மரணம்

8. ஏக்கம்

கனவுகளிள் தொலைந்தவன்

காலங்கள் மாறியபின்

கனவுகளைத் தேடுகிறேன்

9. நிகழ்வு

நிகழ்ந்ததை நினைத்து

நெகிழும் மனது

நிகழ்வதை வெறுக்கும்

தொடரும்...

கனவுக் காதல்

2009-10-26T00:16:00.000-07:00

நித்திரை நினைவில்
நீங்கா நிலவே
நித்திரை கலைய மறுக்கிறதே . . .

நித்திரை கலைத்த
நின்னைக் கண்டதும்
மலர்முகம் என்னில் பதிகிறதே . . .

அழகின் விளக்கம்
நீயே என்று
உள்மனம் எங்கோ சொன்னதடி . . .

உண்மை அறிந்திட
ஆவல் கொண்டதும்
இன்றும் கனவு கலைந்ததடி . . .

கனவினில் கண்டவள்
கண்களில் மலர்ந்திட
காலம் எத்தனை காக்கனுமோ !

அழகிய அவளும்
உண்மையில் இருந்தால்
இறைவன் திறமையில் சிறந்தவனே !!

கவிஞரின் வாழ்வில்...

2009-10-19T21:21:00.000-07:00

புல்லின் அசைவிலும் கவிதை படைத்திட
கற்பனை அறிவின் உற்று நோக்கலால்
கண்கள் மறந்த இயல்புப் பார்வை . . .

இயற்கை படைப்பின் ஒவ்வொரு அனுவையும்
ரசிக்கத் துடிக்கும் மனதை வென்று
பதிவு செய்யப் பதறும் நினைவலை . . .

ஆழ்ந்த அமைதியின் நிசப்தம் கண்டும்
ஒளிந்து கிடக்கும் வரிகளைத் தேடி
சலனம் கொள்ளும் இம்சை மனது . . .

இரவுகள் எல்லாம் நிலவுடன் சேர்ந்து
கவிதை எழுதி கவிதை எழுதி
கணவுகள் தொலைத்த இரவுத் தூக்கம் . . .

எத்தனை எத்தனை இழப்புகள் என்று
அனுபவ அறிவை கடவுள் சொல்லியும்
என்மனம் பணிவுடன் இறைவனைக் கேட்டது . . .

இழப்புகள் ஆயிரம் இருந்த போதும்
படைப்பால் அவனும் கடவு ளாதலால்
நானும் ஒரு முறை கவிஞனாகவா???

திருமகளும் விலைமகளாய்

2009-10-09T02:14:00.000-07:00

பெண் மாலை-சூட பொன்மாலை கேட்கும்
பணப் பேயரின் பேராசை தீர்க்க...

கற்பின் துய்மையை காசுக்கு விற்க்கும்
வின்மீனாய் ஜொலித்த பெண் மாண்.

ஆண்மாலை சூடி அவமானம் செய்ய
கட்டில் சுகத்தில் கலங்கிய மாது

என.....

நிச்சயம் செய்தவன் நியாயம் பேச
விலைமகளாய் வீற்றிருக்கும் திருமகள்.

Thulasi

09 Oct 2009

தாயிடம் சில கேள்விகள்...

2009-10-07T00:21:00.000-07:00

என்னைப் பெற்ற அன்புத் தாயே!
உன்னைப் போல பொறுமையும் உண்டோ
ஒரு கணம் பொறுக்கா யெந்திர உலகில்
என்னைப் பெறவே எத்தனை மாதம்
ஏங்கி ஏங்கிக் காத் திருந்தாயோ?

சகிப்புத் தன்மையின் உச்ச வரம்பே!
சிறிது துரம் உடன் சென்றாலே
சனியன் என்று சலித்துக் கொள்வர்
என்னை உன்னில் எப்படி நீயும்

சங்கட மின்றி சுமந்து சென்றாய்?
மனதில் ஒளிரும் தியாகச் சுடரே!
தன்னுயிர் காக்க மன்னுயிர் போக்கும்
மூடர் நிறைந்த மனித உலகில்
மரணம் மறந்து ஜனனம் கொடுத்து
மெழுகாய் வாழ்வது உன் குனமோ?

தன் னலமற்ற பெருந் தகையே!
தனக்கென மட்டும் வாழும் உலகில்
எனக்கென மனதில் ராஜ்ஜியம் அமைத்து
ராஜா . . . என்று அழைக் கின்றாயே
உன்னில் வாழ்வது நீயா நானா???

காற்றின் காதல்

2009-09-26T03:03:00.000-07:00

காற்றும் என்மேல்
காதல் கொன்டதோ...
மோதி விளையாட
மோகம் கொன்டதோ...

தென்றல் வந்து
தலை கோதி
மேனி எங்கும்
நடம் ஆட

பொங்கும் இன்பம்
எனை சூழ்ந்ததே
ஆனந்த வெள்ளம்
அலைபாயுதே

காதல் கொன்ட காற்றுக்கு
நானென்ன செய்தேனோ?
கைமாறு வேண்டாத
காவியமோ காதலென்பது!!!

காலத்தின் அழுகுரல்...

2009-09-24T04:10:00.000-07:00

இந்த பூமிப்பந்து உன் விரல் நுனியில் சுற்றும் 'காலம்' வரும் என்று காத்திருக்கிறாயா? இந்த உலகத்தை எப்பொழுது உன் விரல் நுனியில் சுற்ற வைப்பாயோ என்றுதான் காத்துக்கிடக்கிறது 'காலம்'.

மலையை மடித்து, கடலை நிரப்பி சொர்கம் அமைக்கும் 'காலம்' வர ஆசைப்படுகிறாயா? அந்த மலைகளை மடிப்பவனும், கடலை நிரப்புபவனும் நீயாக இருக்கக்கூடாதா என்று ஆதங்கப்படுகிறது 'காலம்'.

எந்த லட்சிய புருஷரின் வருகைக்காக காத்திருக்கிறாய்? உன் எண்ணம் ஈடேறாது. பலரின் எதிர்ப்பார்ப்பிற்க்குறிய அந்த லட்சியப்புருஷரின் வருகை நடந்தேறிவிட்டது - உன் வருகையினால். நீதான் இன்னும் உணரவேயில்லை. உணரும் 'காலம்' வரும் என்று உறங்கிக் கிடக்கிறாயா? நீ எப்பொழுது உன் உண்மை நிலையை உணர்வாயோ என்றுதான் விழித்துக்கிடக்கிறது 'காலம்'.

ஒன்றை மட்டும் மனதில் கொள்: நீ காத்துக்கிடப்பதால் 'நானும்' காத்துக்கிடக்கிறேன் காலம்காலமாக....

-இப்படிக்கு 'காலம்'

ஓ மனிதா...

2009-09-24T03:55:00.001-07:00

உலகை வெல்ல ஒருவன் போதும்
துணையை ஏனோ தேடுகிறாய்!

துணைகள் இருந்தும் தோற்றுப் போனால்
தனிமையில் நின்று வாடுகிறாய்!!

வெல்லும் சக்தி உனக்கே சோந்தம்
பிறரை எதற்கு நாடுகிறாய்?

உதவிகள் இன்றியும் உன்னால் முடியும்
உழைக்க ஏனோ தயங்குகிறாய்...

உழைப்பைக் கொண்டு தடைகளை எல்லாம்
தகர்த்து எறிய முடியுமடா

புரட்சி செய்ய படைகள் அல்ல
போர்க்குணம் ஒன்றே போதுமடா!!!